Եվրահանձնաժողովը դադարեցրել է Ասոցացման համաձայնագրի հարցում Ուկրաինայի հետ շփումները
Ուկրաինական UNIAN լրատվական գործակալության փոխանցմամբ՝ ԵՄ ընդլայնման ու հարևանության քաղաքականության հարցերով Շտեֆան Ֆյուլեի մամլո քարտուղար Փիթեր Ստանոն հայտարարել է, որ Եվրահանձնաժողովը դադարեցրել է շփումներն Ուկրաինայի կառավարության հետ՝ կապված ԵՄ-ի հետ Ասոցացման համաձայնագրի ստորագրման հետ, քանի դեռ Ուկրաինան պարտավորություններ չի ստանձնել դրա կնքման շուրջ:
Շտեֆան Ֆյուլեն երեկ Twitter-ի իր միկրոբլոգում գրել է, որ ԵՄ-ը դադարեցնում է աշխատանքներն Ուկրաինայի հետ Ասոցացման համաձայնագիր ստորագրելու ուղղությամբ: Ֆյուլեն նշել է, որ առևտրային համաձայնագրի պատրաստակամության հարցը քննարկել է Ուկրաինայի փոխվարչապետ Սերգեյ Արբուզովի հետ, սակայն պատասխան չի ստացել Ուկրաինայի կառավարությունից:
Ստանոն հայտարարել է. «Կարիք չկա շարունակել հինգշաբթի սկսած գործընթացը: Մենք պատրաստվում ենք շարունակել այն, երբ ուկրաինական կողմը կստանձնի ակնհայտ պարտավորություններ»:
