Սաուդյան Արաբիան առաջին անգամ չեղյալ է հայտարարել իր ներկայացուցչի ելույթը ՄԱԿ ԳԱ-ում
Արաբական Al-Arabiya հեռուստաալիքի փոխանցմամբ՝ Սաուդյան Արաբիան առաջին անգամ չեղյալ է հայտարարել իր ներկայացուցչի ելույթը Նյու Յորքում ընթացող ՄԱԿ ԳԱ-ում: Սաուդյան Արաբիան իր այդ քայլը պայմանավորել է ՄԱԿ-ի անկարողությամբ՝ լուծել իսլամական աշխարհի ու արաբական երկրների խնդիրները:
Էր-Ռիյադը դժգոհ է ՄԱԿ-ի դիրքորոշումից՝ կապված մերձավորարևելյան կարգավորման ու մասնավորապես սիրիական ճգնաժամի հետ: Այս մասին հայտնել է սաուդցի դիվանագիտական աղբյուրը: Բացի այդ, Սաուդյան Արաբիան դժգոհ է նրանից, որ մի շարք երկրներ մենատիրություն ունեն ՄԱԿ-ում որոշումներ ընդունելու համար:
