Ֆիդել Կաստրոն հերքել է այն, որ Կուբան ԱՄՆ-ի ճնշման ներքո է հրաժարվել ընդունել Սնոուդենին
Cuba Debate պորտալում հրապարակած իր հոդվածում Կուբայի առաջնորդ Ֆիդել Կաստրոն հերքել է այն տեղեկատվությունը, թե Կուբան հրաժարվել է իր մոտ ընդունել ամերիկյան հատուկ ծառայությունների նախկին աշխատակից Էդվարդ Սնոուդենին՝ կապված ԱՄՆ-ի հնչեցրած սպառնալիքների հետ:
Կաստրոն գրել է, որ հիանում է Սնոուդենի քաջությամբ, ով ծառայություն է մատուցել համայն աշխարհին՝ բացահայտելով ԱՄՆ-ի «զզվելի ու անազնիվ» քաղաքականությունը: Կաստրոն ԱՄՆ-ը որակել է որպես «կեղծիքի ու խաբեության կայսրություն», ով տարածում է նման տեղեկություններ.
«Կատարելապես ակնհայտ է, որ ԱՄՆ-ը մշտապես փորձելու է ճնշում գործադրել Կուբայի վրա, սակայն Կուբան երբեք տուրք չի տա այդ ճնշմանը»:
