Ստամբուլյան դատարանն արտոնել է «Գեզի» այգում ծառահատումներ իրականացնելը
Թուրքական Dünya Bülteni լրատվական կենտրոնի փոխանցմամբ՝ Ստամբուլի տարածաշրջանային վարչական դատարանը բավարարել է Թուրքիայի մշակույթի ու զբոսաշրջության նախարարության ներկայացրած բողոքը՝ թույլատրելով առևտրի կառուցման նպատակով ծառահատումներ իրականացնել «Գեզի» այգում:
Դրանով իսկ բեկանվել է Ստամբուլի 6-րդ վարչական դատարանի կայացրած որոշումը, ով տվյալ գործը դիտարկել է երկու անգամ: Մայիսի 31-ին դատարանը բավարարել էր այգում ծառահատումներ իրականացնելու դեմ «Գեզի» այգու պաշտպանների ասոցիացիայի ներկայացրած հայցը՝ ընդդեմ մշակութային ժառանգության պահպանման Բարձրագույն խորհրդի, ով թույլատրել էր այգում Օսմանյան կայսրության ժամանակվա զինանոցների նման շենքի կառուցումը:
Թուրքիայի մշակույթի և զբոսաշրջության նախարարությունը բողոքարկել էր դատարանի այդ որոշումը, սակայն նրա բողոքը մերժվել էր հուլիսի 2-ին: Դրանից հետո նա տվյալ դատավճիռը բողոքարկել էր Ստամբուլի տարածաշրջանային վարչական դատարանում, որն էլ բավարարել է հայցը:
