Ռուսաստանը, Չինաստանը և ԱՄՆ-ն աշխարհի ամենահզոր պետություններն են․ Թրամփ
Ռուսաստանը, Չինաստանը և ԱՄՆ-ն աշխարհի ամենահզոր պետություններն են, հատկապես տեխնոլոգիական ոլորտում։ Այս մասին հայտարարել է ԱՄՆ նախագահ Դոնալդ Թրամփը Սպիտակ տանը կայացած մամուլի ասուլիսի ժամանակ, հաղորդում է ՏԱՍՍ-ը։
«Մենք դա քննարկել ենք միասին՝ որպես աշխարհի երեք ամենակարևոր և ամենահզոր պետություն, հատկապես տեխնոլոգիական առումով։ Այդ հարցում մենք հսկայական առավելությամբ աշխարհում ամենաուժեղն ենք։ Մենք, անկասկած, ունենք ուժ, մենք ամենահզորն ենք»,- ասել է ամերիկացի առաջնորդը։
Թրամփն այս հայտարարությունն արել է՝ մեկնաբանելով երեք երկրների առաջնորդների՝ Միջազգային քրեական դատարանի կողմից լիազորությունների չարաշահումները համատեղ դատապարտելու պայմանավորվածությունը։ Համապատասխան դիրքորոշումն արտացոլվել է նոյեմբերի 19-ին Շենչժենում կայացած եռակողմ հանդիպման արդյունքներով ընդունված հռչակագրում։

