Մանուկ Աբեղյանի անվան դպրոցը կունենա նոր մարզադահլիճ․ շինարարությունը մտել է ավարտական

Երևանի կենտրոնում՝ Firdus Prime Residence բնակելի թաղամասի կառուցապատման շրջանակում, ավարտական փուլ է մտել Մանուկ Աբեղյանի անվան ավագ դպրոցի նոր մարզական մասնաշենքի շինարարությունը։ Նախագիծը նպատակ ունի լուծել կրթօջախի տարիներ շարունակ գոյություն ունեցած խնդիրը՝ աշակերտների համար ստեղծելով ֆիզիկական կրթության և մարզական պարապմունքների ժամանակակից պայմաններ։

Ճարտարապետության և շինարարության Հայաստանի ազգային համալսարանի կազմում գործող դպրոցը մինչ այժմ սեփական մարզադահլիճ չի ունեցել։ Նոր մասնաշենքի կառուցումը մեկնարկել է 2025 թվականի մայիսին։ Ներկայում իրականացվում են ներքին հարդարման աշխատանքները, իսկ արտաքին բարեկարգման հիմնական մասն արդեն ավարտված է։

Թեև նախագծի ավարտը նախատեսված է 2028 թվականի փետրվարին, շինարարներն աշխատում են այն առնվազն մեկ տարի շուտ ավարտելու ուղղությամբ։

Դպրոցի մարզական մասնաշենքի կառուցումը Firdus Prime Residence-ի քաղաքաշինական ծրագրի հանրային նշանակության բաղադրիչներից է։ Երևանի սրտում կառուցվող պրեմիում բնակելի թաղամասը միավորում է ժամանակակից ճարտարապետությունը, հարմարավետ բնակարանները, առևտրային և հասարակական տարածքները՝ նպատակ ունենալով ձևավորել ամբողջական քաղաքային միջավայր։

Մանրամասները՝ տեսանյութում։

Տեսանյութեր

Լրահոս

Լուրերի օրացույց

Նոյեմբեր 2026
Երկ Երե Չոր Հնգ Ուրբ Շաբ Կիրակի
« Հոկտեմբեր    
 1
2345678
9101112131415
16171819202122
23242526272829
30