Թարմ ծաղիկներ՝ Սևուկի շիրմաքարին (լուսանկարներ)
Տավուշի մարզի սկզբնամասում` Դիլիջան քաղաք չհասած, կամ, ինչպես հայտնի է, քաղաքային աղբավայրի հակառակ կողմում` շան գերեզման կա, որի կողքով քաղաքացիները երբեք անտարբեր չեն անցնում: Ամայի այս վայրում արդեն 4 տարի գտնվում է Սևուկ անունը կրող շան գերեզմանը:
Նրանք, ովքեր առաջին անգամ և պատահական են տեսնում Սևուկի գերեզմանը, սկզբում զարմանում են, հետո ընկնում մտքերի ետևից ու փորձում կռահել, թե ո՞վ է շան տերը, որքան է սիրել Սևուկին, որ գերեզման է կառուցել, և միշտ թարմ, դաշտային ծաղիկներ են դրվում կենդանու շիրմաքարին: Գերեզմանի շիրմաքարի վրա նկարված է Սևուկի պատկերը, վրան էլ գրված են ծննդյան և մահվան տարեթվերը` «Սևուկ` 2000-2009»:
Լուսանկարները` հեղինակի
