Մեսրոպ Մանուկյանը բանավեճի է հրավիրել Հայկ Կոնջորյանին
Հայկ Կոնջորյանը (իշխող «Քաղաքացիական պայմանագիր» կուսակցությունից ընտրված ԱԺ փոխխոսնակը՝ խմբ.) դեռ երկար իր վրա կզգա իմ տնտեսական գիտելիքների ծանր, դառը և անդառնալի հարվածները։ Այս մասին օգոստոսի 4-ին խորհրդարանում լրագրողների հետ զրույցում հայտարարել է «Հայաստան» խմբակցության պատգամավոր Մեսրոպ Մանուկյանը։
«Դա տեղի կունենա հենց այս նիստում, իմ ելույթի ընթացքում, կբացահայտվի կոռուպցիոն դեպք», – պարզաբանել է նա։ Նրա խոսքով՝ Կոնջորյանը հնչեցրել է անպատասխանատու թվեր, իսկ իշխող կուսակցությունից մեկ այլ պատգամավոր՝ Բաբկեն Թունյանը, ծափահարել է նրան։
Մանուկյանը, հանդիպելով Թունյանին, նրան հրավիրել է բանավեճի, և վերջինս ընդունել է հրավերը։ «Ես չէի մտածում, որ դուք կմեծանաք և կծափահարեք ինչպես «Քաղաքացիական պայմանագրի» միջին վիճակագրական ներկայացուցիչը», – հավելել է ընդդիմադիրը՝ դիմելով իշխող խմբակցության պատգամավորին, որին, իր խոսքով, ճանաչում է ուսանողական տարիներից։
