ԱՄՆ ԶՈւ-ն Թայվանի զnրքերի հետ համատեղ գաղտնի ռազմական զnրավարժություններ են անցկացնում. WSJ
ԱՄՆ զինված ուժերը Թայվանի զորքերի հետ համատեղ գաղտնի ռազմական զորավարժություններ են անցկացնում։ Այս մասին հայտնել է The Wall Street Journal (WSJ) թերթը՝ հղում անելով Թայվանի պաշտպանական գերատեսչության ղեկավար Գու Լիսյունին (Վելինգթոն Գու), հաղորդում է ՏԱՍՍ-ը։
«Ռազմական փոխանակման շնորհիվ մենք ԱՄՆ-ից մեծ ծավալի գործնական մարտական փորձ ենք ստացել», – հրատարակությունը մեջբերում է Լիսյունի խոսքերը։
Նա նաև հավելել է, որ Թայբեյի համագործակցությունը Վաշինգտոնի հետ «շատ ավելի սերտ է, քան թվում է»։
Ինչպես նշել է թերթը, Լիսյունի հայտարարությունը դարձել է հազվադեպ խոստովանությունն այն մասին, թե ինչ գաղտնի դեր ունի ԱՄՆ-ը Թայվանին իր բանակն ամրապնդելու գործում օգնություն ցուցաբերելու հարցում։
Թայվանը ղեկավարվում է սեփական վարչակազմի կողմից 1949 թվականից ի վեր, երբ այնտեղ փախան Չան Կայշիի (1887-1975) գլխավորած Գոմինդանի ուժերի մնացորդները՝ Չինաստանի քաղաքացիական պատերազմում պարտություն կրելուց հետո։ Պեկինի պաշտոնական դիրքորոշման համաձայն, որին աջակցում է երկրների մեծ մասը, ներառյալ Ռուսաստանը, այն ՉԺՀ-ի շրջաններից մեկն է։
