Ֆրանսիայում փոթորկի հետևանքով երկու մարդ է զոհվել
Ֆրանսիայում տեղի ունեցած ուժգին ամպրոպների հետևանքով առնվազն երկու մարդ է զոհվել, հայտնում է AFP-ն։
Վերին Վիեն դեպարտամենտի Սեն Վիկտյուրիեն համայնքում ծառի ընկնելու հետևանքով կին է մահացել։ Իսկ Իզեր դեպարտամենտի Դոլոմյե համայնքում, կայծակի հարվածից բռնկված արհեստանոցում, հայտնաբերվել է տղամարդու այրված մարմին, հաղորդում է Euronews-ը։
Հինգշաբթի երեկոյան երկրի կենտրոնական և արևելյան 30 դեպարտամենտներում ամպրոպների և խոշոր կարկուտի վտանգի պատճառով հայտարարվել էր վտանգի «նարնջագույն» մակարդակ։
Enedis էլեկտրացանցային օպերատորը ուրբաթ առավոտյան հայտնել է, որ ուժգին ամպրոպներից հետո մոտ 53000 տնային տնտեսություն է մնացել առանց էլեկտրականության։
