Աշխարհի առաջնությունից հետո Զիդանը կգլխավորի Ֆրանսիայի հավաքականը. ԶԼՄ
Զինեդին Զիդանը կդառնա Ֆրանսիայի ֆուտբոլի ազգային հավաքականի հաջորդ գլխավոր մարզիչը: Այս մասին հայտնում է լրագրող Ֆաբրիցիո Ռոմանոն Х-ում:
Ֆրանսիայի հավաքականը աշխարհի առաջնության կիսաեզրափակչում նախօրեին 0:2 հաշվով պարտվեց իսպանացիներին:
Թիմը հուլիսի 18-ին պետք է խաղա երրորդ տեղի համար, որը վերջինը կլինի Դիդիե Դեշամի գլխավորությամբ:
57-ամյա Դեշամը դեռևս հունվար ամսում հայտարարել էր, որ 2026 թվականի աշխարհի առաջնությունից հետո կլքի Ֆրանսիայի հավաքականի գլխավոր մարզչի պաշտոնը: Դեշամը թիմը գլխավորել է 2012 թվականից, նրա գլխավորությամբ ֆրանսիացիները դարձել են աշխարհի չեմպիոններ (2018 թ.), աշխարհի (2022 թ.) և Եվրոպայի (2016 թ.) առաջնությունների արծաթե մեդալակիրներ:
Զիդանը 54 տարեկան է։ Նա երկու անգամ գլխավորել է Մադրիդի «Ռեալը» (2016-2018, 2019-2021)՝ 3 անգամ հաղթելով Չեմպիոնների Լիգայի մրցաշարը, ինչպես նաև 2-ական անգամ թիմը դարձրել է Իսպանիայի չեմպիոն, Իսպանիայի սուպերգավաթակիր, ՈւԵՖԱ-ի սուպերգավաթակիր և աշխարհի ակումբային առաջնության հաղթող:
