Նորվեգիան 300 միլիոն դոլար կհատկացնի Ուկրաինայի հակաօդային պաշտպանության կարիքների համար
Նորվեգիայի իշխանությունները հայտարարել են 3 միլիարդ նորվեգական կրոն (մոտավորապես 306 միլիոն ԱՄՆ դոլար) հատկացնելու մասին՝ Ուկրաինայի հակաօդային պաշտպանության կարիքների, մասնավորապես՝ բալիստիկ հրթիռներից պաշտպանության համար։ Այդ մասին տեղեկացնում է BBC-ն։
«Ուկրաինայի ինքնապաշտպանության պայքարը նաև մեր պայքարն է։ Ուկրաինան ամենօրյա հարձակումների է ենթարկվում Ռուսաստանի կողմից։ Ռուսաստանը շարունակում է օդային հարվածներ հասցնել խաղաղ բնակչությանը, ուկրաինական քաղաքներին և էներգետիկ կարևորագույն ենթակառուցվածքներին։ Թեև Ուկրաինային հաջողվում է խոցել անօդաչու թռչող սարքերի և թևավոր հրթիռների մեծ մասը, այն պետք է ուժեղացնի իր պաշտպանությունը բալիստիկ հրթիռների դեմ։ Սա Ուկրաինայի ամենահրատապ առաջնահերթություններից մեկն է», – հայտարարել է Նորվեգիայի վարչապետ Յոնաս Գահր Ստյորեն, ով Անկարայում ՆԱՏՕ-ի գագաթնաժողովի շրջանակում հանդիպել է Ուկրաինայի նախագահ Վոլոդիմիր Զելենսկիի հետ։
Նորվեգիայի կառավարության հայտարարության համաձայն՝ «Patriot» հակաօդային պաշտպանության համակարգի համար նախատեսված նոր հրթիռները կպատվիրվեն անմիջապես ամերիկյան արտադրողից։
