Թրամփը հույս ունի, որ իր նախկին խորհրդական Ջոն Բոլթոնի նկատմամբ խիստ դատավճիռ կկայացվի
ԱՄՆ նախագահ Դոնալդ Թրամփը «Truth Social» սոցիալական ցանցում հույս է հայտնել, որ իր ազգային անվտանգության հարցերով նախկին խորհրդական Ջոն Բոլթոնի նկատմամբ խիստ դատավճիռ կկայացվի։
«Ջոն Բոլթոնը՝ Ամերիկայի Միացյալ Նահանգների չափազանց հիմար, հավասարակշռությունից զուրկ և ոչ կոմպետենտ նախկին ներկայացուցիչ է, որը հենց նոր իրեն մեղավոր ճանաչեց։ Նա սարսափելի մարդ է, մի խելագար, ով միայն ցանկանում էր խռովություններ ու պատերազմներ սերմանել, և ով մահվան ու կործանման անպիտան տարածող էր, ուր էլ որ գնար։ Հույս ունեմ, որ նրա հետ խստորեն կվարվեն»,— գրել է Թրամփը։
Ջոն Բոլթոնը Սպիտակ տան ազգային անվտանգության հարցերով խորհրդականի պաշտոնը զբաղեցրել է 2018–2019 թվականներին։ Նրա նկատմամբ հետաքննությունը սկսվել է 2020 թվականին։ 2025 թվականի հոկտեմբերին նրան մեղադրանք է առաջադրվել 18 դրվագով՝ կապված գաղտնի տեղեկատվության հետ անփույթ վարվելու և այն երրորդ անձանց փոխանցելու հետ։
Նախկին խորհրդականն ընդունել է իր մեղքը։ ԱՄՆ արդարադատության նախարարության հետ ձեռք բերված համաձայնության շրջանակներում դատախազությունը համաձայնել է հանել առաջադրված 18 կետերից 17-ը։ Բոլթոնը նաև պարտավորվել է վճարել 2,2 միլիոն դոլար տուգանք։
