Կուբիլյուս. ԵՄ-ն պետք է ինտեգրի Ուկրաինային ապագա պաշտպանական միության մեջ
Պաշտպանության հարցերով եվրահանձնակատար Անդրիուս Կուբիլյուսը հայտարարել է, որ Եվրամիությանը անհրաժեշտ է ինտեգրել Ուկրաինային ապագա պաշտպանական միության մեջ։ «Դժվար կլիներ հասկանալ, եթե մենք Եվրոպայում կենսականորեն կարևոր չհամարեինք Ուկրաինայի զինված ուժերի ինտեգրումը մեր եվրոպական պաշտպանական ճարտարապետության մեջ»,— ասել է նա՝ ելույթ ունենալով Բրյուսելում կայացած Եվրոպական պաշտպանության և անվտանգության գագաթնաժողովում։
Կուբիլյուսն ընդգծել է, որ «Ուկրաինան այժմ գերիշխում է մարտի դաշտում՝ շնորհիվ իր ռազմական դոկտրինի վերափոխման»։
