Մեծ Բրիտանիայի արտգործնախարարը պլանավորում է հունիսի սկզբին այցելել Չինաստան
Մեծ Բրիտանիայի արտաքին գործերի նախարար Իվետ Քուփերը ծրագրում է հունիսի սկզբին այցելել Չինաստան: Այս մասին հայտնել է Reuters գործակալությունը՝ վկայակոչելով իր աղբյուրներ։
Աղբյուրներից մեկի համաձայն, հունիսի 2-3-ը նախատեսված ուղևորության ընթացքում Քուփերը Պեկինում բանակցություններ կվարի իր չինացի պաշտոնակից Վան Իի հետ, իսկ այնուհետև կմեկնի Շենչժենի հարավային տեխնոլոգիական կենտրոն՝ բիզնեսի ներկայացուցիչների հետ հանդիպումների համար։
Reuters-ի աղբյուրները կարծում են, որ Մեծ Բրիտանիայի վարչապետ Քիր Սթարմերի պաշտոնանկության գործընթացի հնարավոր մեկնարկը, ամենայն հավանականությամբ, չի խանգարի այցին։
Սթարմերը հունվարին այցելել է Չինաստան։ Այցի ընթացքում նա բանակցություններ է վարել Չինաստանի նախագահ Սի Ծինփինի և վարչապետ Լի Ցզյանի հետ, իսկ Մեծ Բրիտանիան և Չինաստանը կնքել են 10 համաձայնագիր, որոնց մեծ մասը վերաբերում է առևտրի ոլորտին։ Սթարմերը դարձել է ութ տարվա ընթացքում Մեծ Բրիտանիայի առաջին վարչապետը, որն այցելել է Չինաստան:
