«Ռեալ Մադրիդին» առաջարկել են Բեռնարդո Սիլվայի ծառայությունները
«Մանչեսթեր Սիթիի» կիսապաշտպան Բեռնարդո Սիլվայի շահերը ներկայացնող գործակալ Ժորժե Մենդեշը 31-ամյա խաղացողի ծառայություններն է առաջարկել «Ռեալ Մադրիդին»։ AS-ի տվյալներով՝ խաղացողը նախկինում հայտարարել էր մրցաշրջանի ավարտին անգլիական ակումբից հեռանալու մասին։
Աղբյուրի համաձայն՝ իսպանական գրանդը ներկայումս հետաքրքրված չէ Անգլիայի վեցակի չեմպիոնով։ Ընդգծվում է, որ Բեռնարդոն ինքը ցանկանում է շարունակել կարիերան թոփ ակումբում։
Այս մրցաշրջանում կիսապաշտպանը բոլոր մրցաշարերում մասնակցել է 46 խաղի՝ խփելով երեք գոլ և կատարելով հինգ գոլային փոխանցում։ Transfermarkt տվյալներով՝ նրա շուկայական արժեքը կազմում է 27 միլիոն եվրո։
