Մադյարն անմիջապես չի աջակցի Կիևի՝ ԵՄ անդամակցությանը. Bloomberg
Հունգարիայի խորհրդարանական ընտրություններում հաղթանակած «Տիսա» կուսակցության առաջնորդ Պետեր Մադյարը իշխանության գալուց հետո անմիջապես չի պաշտպանի Ուկրաինայի՝ ԵՄ անդամակցությանը, սակայն կարող է աջակցել Կիևի հետ այս հարցի շուրջ բանակցությունների առաջխաղացմանը, հաղորդում է Bloomberg-ը՝ հղում անելով աղբյուրներին։
«Չի սպասվում, որ հունգարական կողմը հանկարծակի կընդունի Ուկրաինային ԵՄ-ում այն բանից հետո, երբ (Հունգարիայի վարչապետ Վիկտոր – խմբ.) Օրբանը մի քանի ամիս արգելափակեց ԵՄ-ի հետ Կիևի պաշտոնական բանակցությունները»,- ասվում է հրապարակման մեջ։
Ինչպես նշում է գործակալությունը, Մադյարը կարող է թույլ տալ ԵՄ-ին առաջ շարժվել Ուկրաինայի հետ բանակցություններում: Գործակալության աղբյուրների համաձայն, սպասվում է, որ հունգարական նոր կառավարությունը կհետևի նաև ԵՄ բյուջեի վերաբերյալ Օրբանի բազմաթիվ դիրքորոշումների:
