Թուրքիան և Իրանը մտադիր են առևտրի ծավալը հասցնել 30 մլրդ դոլարի
Թուրքիայում անցկացվել է Տնտեսական համագործակցության կազմակերպության առևտրի նախարարների ժողովը, որին մասնակցել է նաև Իրանի արդյունաբերության, առևտրի և հանքարդյունաբերության նախարար Մոհամմադ Աթաբաքը։ Այս մասին տեղեկացնում է ermenihaber.am-ը։
Ժողովի շրջանակում Թուրքիայի առևտրի նախարար Օմեր Բոլաթը հանդիպել է Աթաբաքի հետ։
Կողմերը քնարկել են երկկողմ առևտրի, ներդրումների ավելացման և մաքսային ընթացակարգերի հեշտացմանը վերաբերող հարցեր։
Բոլաթը հանդիպումը որակել է արդյունավետ ու նշել, որ մտադիր են Իրանի հետ առևտրի ծավալները հասցնել 30 մլրդ դոլարի։
