«Թուրքիան կապ է պահպանում Ռուսաստանի և Ուկրաինայի հետ». Էրդողան
Թուրքիայի նախագահ Ռեջեփ Թայիփ Էրդողանը մասնակցել է Ուկրաինայի հարցով Կամավորների կոալիցիայի առաջնորդների գագաթնաժողովի առցանց հանդիպմանը։ Այս մասին տեղեկացնում է ermenihaber.am-ը։
Առցանց հանդիպմանը մասնակցել է 35 երկրի ներկայացուցիչ։
Էրդողանը նշել է, որ կողմերի միջև ուղիղ բանակցությունները կարող են անցկացվել Ստամբուլում և Թուրքիան կապ է պահպանում Ռուսաստանի ու Ուկրաինայի հետ։
Բացի այդ, Էրդողանը նշել է, որ դա կարող է լինել մի կարգավորում, որը կընդգրկի էներգետիկ և նավահանգստային ենթակառուցվածքները և կողմերի համար կապահովի նպաստավոր պայմաններ՝ բանակցելու համապարփակ խաղաղության համաձայնագրի շուրջ։
