33-ամյա տղամարդը կալանավորվել է

Քրեական ոստիկանության Երևան քաղաքի վարչության Անձի հետախուզման բաժնի ծառայողները ձեռնարկած օպերատիվ-հետախուզական միջոցառումների արդյունքում նոյեմբերի 3-ին Ամիրյան փողոցում հայտնաբերել, ձերբակալել և վարչություն են տարել 33-ամյա մի երիտասարդի։

Նա սեպտեմբերի 15-ից հետախուզվում էր առողջությանը ծանր վնաս պատճառելու մեղադրանքով․ խափանման միջոցը՝ կալանք։

Երիտասարդը և կազմված փաստաթղթերը ներկայացվել են նախաքննական մարմին։