Ինչո՞ւ են մարզվելուց հետո մկանները ցավում
Վարժությունները մեզ ուժեղ, երջանիկ ու առողջ են դարձնում, սակայն դրանք երբեմն ցավի պառճառ են դառնում:
Մկանացավը սովորաբար սկսվում է վարժությունների նոր խումբ սկսելուց կամ հին մարզման ձևը փոփոխելուց հետո: Բանն այն է, որ մկանները սովորականից շատ ձգելու դեպքում մկանաթելերում միկրոսկոպիկ պատռվածքներ են առաջանում:
Արդյուքնում առաջանում է ձգվածության զգացում ու ցավ: Այս ժամանակավոր վիճակն անվանում են մկանների հետաձգված ցավոտություն: Իրականում սրա հետևանքով մկանները ամրանում են վերականգնելով միկրոպատռվածքները:
Զարմանալիորեն, բոլորովին պարտադիր չէ լուրջ վարժություններ կատարել այս ախտանիշը ունենալու համար:
Այն կարող է առաջանալ ցանկացած դեպքում, երբ ձեր մկանները կատարում են գործողություն, որին սովոր չեն, հատկապես գործողություններ, որոնց հետևանքով դրանք կծկվում և երկարում են:
Բարեբախտաբար, վիճակն անցնում է 5 օրվա ընթացքում: Ցավը կարող են մեղմացնել հասարակ տնային միջոցները, ինչպիսին սառցե պարկերն են:
