Պուտինը ՌԻԱ Նովոստիի ռազմական թղթակից Իվան Զուևին հետմահու պարգևատրել է Արիության մեդալով
ՌԻԱ Նովոստիի զինվորական թղթակից Իվան Զուևի վերջին հրաժեշտի արարողության ժամանակ հայտարարվել է ՌԴ նախագահի հրամանագրով նրան Արիության շքանշան շնորհելու մասին։ Այս մասին տեղից հաղորդում է ՌԻԱ Նովոստիի թղթակիցը:
Զուևը զոհվել է հոկտեմբերի 16-ին Զապորոժիեի մարզում ուկրաինական անօդաչու թռչող սարքի հարվածից: Հրաժեշտի արարողությունը տեղի է ունեցել այսօր Տյումենում:
Իվան Զուևը ծնվել է 1986 թվականի մայիսի 28-ին՝ Նովոսիբիրսկում։ Լրագրողական աշխատանքով սկսել է զբաղվել 2008 թվականից։ Իվանն առաջին անգամ Դոնբաս է գործուղվել 2014 թվականի հուլիսին։ Թղթակիցը գրել է ԱԻ նախարարության ծավալած ժամանակավոր տեղակայման կետերում ընդունած առաջին փախստականների մասին, աշխատել է առաջին աշխարհազորայինների հետ, որոնք պայքարել են Ուկրաինայի զինված ուժերի դեմ Ռոստովի մարզի սահմանագոտում: Երկրորդ անգամ նա Դոնբաս է գործուղվել 2018 թվականի գարնանը։
2022 թվականի փետրվարի սկզբին Զուևը սկսել է աշխատել Sputnik գործակալությունում։ 2023 թվականի ապրիլին Զուևը դարձել է ՌԻԱ Նովոստիի ռազմական թղթակիցը, Դոնեցկում և ԴԺՀ-ում ՌԻԱ Նովոստիի խմբի համակարգողը։ Զուևի պրոֆեսիոնալիզմը բազմիցս արժանացել է գերատեսչական պարգևների։ Այս տարվա մարտին նրան հանձնվել է ՌԴ նախագահի շնորհակալագիրը։
«Ռոսիա սեգոդնյա» միջազգային մեդիախմբի գլխավոր տնօրեն Դմիտրի Կիսելյովը նշել է, որ Զուևը եղել է խիզախ և տաղանդավոր, համարձակ լրագրող, նա ընկել է քաջի մահով: ՌԻԱ Նովոստիի և «Ռոսիա սեգոդնյա» մեդիախմբի կոլեկտիվն անկեղծ ցավակցություն է հայտնում և սգում Իվանի հարազատների և մտերիմների հետ միասին:
