ԱՄՆ միջուկային զինանոցը չափազանց հնացած է, հայտնում են վերլուծաբանները
Պահպանողական Heritage Foundation վերլուծական կենտրոնի փորձագետները նոր զեկույցում զգուշացրել են, որ Միացյալ Նահանգները զգալիորեն հետ է մնում միջուկային սպառազինությունների մրցավազքից՝ իր փոքր և հնացած միջուկային զինանոցի պատճառով, որը պետք է եռապատկվի մինչև 2050 թվականը, հաղորդում է Fox-ը՝ հղում անելով զեկույցի տեքստին:
«Նոր զեկույցում նշվում է, որ ԱՄՆ միջուկային զինանոցը վտանգավոր կերպով հնացած է և չափազանց փոքր՝ աճող գլոբալ սպառնալիքներին դիմակայելու համար»,- հաղորդել է հեռուստաալիքը՝ ներկայացնելով ուրբաթ օրը հրապարակված զեկույցի տեքստը։
Զեկույցի հեղինակ Ռոբերտ Փիթերսի խոսքով՝ ԱՄՆ զինանոցում առկա ամենանոր մարտագլխիկը մշակվել է 1989 թվականին։
