Դոհայի ուղղությամբ Իսրայելի հարվածներն արժեզրկում են Գազայի հարցով միջնորդների ջանքերը. Եգիպտոսի նախագահ
Եգիպտոսի նախագահ Աբդել Ֆաթթահ Ալ-Սիսին համոզված է՝ Դոհայում ՀԱՄԱՍ շարժման առաջնորդների ուղղությամբ Իսրայելի հարվածները խաթարում են Գազայի հատվածում հրադադարի բանակցությունները և սպառնում ամբողջ տարածաշրջանի անվտանգությանը։
«Այս սրացումը արժեզրկում է Գազայում հրադադարի հասնելու միջազգային մակարդակով ձեռնարկված բոլոր ջանքերը և սպառնում է ամբողջ Մերձավոր Արևելքի կայունությանն ու անվտանգությանը»,- ինչպես հաղորդում է ՏԱՍՍ-ը, այս մասին ասվում է մամուլի հաղորդագրության մեջ, որը տարածել է Ալ-Սիսիի գրասենյակը։
Եգիպտոսի նախագահը նաև նշել է, որ իր երկիրը լիակատար համերաշխություն է հայտնում Կատարի կառավարությանը, ժողովրդին, և միջազգային հանրությանը կոչ է անում անհապաղ միջոցներ ձեռնարկել միջադեպի բոլոր մեղավորներին պատասխանատվության ենթարկելու համար։
Կատարի մայրաքաղաք Դոհայի ուղղությամբ Իսրայելի հասցրած հարվածի հետևանքով Գազայի հատվածում սպանվել են պաղեստինյան ՀԱՄԱՍ շարժման ղեկավար Խալիլ ալ-Հայան և դրա ղեկավարության ևս երեք անդամ։ Կատարը դատապարտել է ՀԱՄԱՍ-ի քաղաքական կենտրոնակայանին հասցված հարվածը։ Կատարի արտգործնախարար Մաջիդ ալ-Անսարին հարվածն անվանել է միջազգային օրենքի և նորմերի կոպիտ խախտում։
