«Ռեալը» պետք է ընտրություն կատարի երկու հարձակվողների միջև. AS
Մադրիդի «Ռեալում» բանակցություններ են ընթանում, թե ով պետք է փոխարինի Կիլիան Մբապեին առաջիկա մրցաշրջանում: Թեկնածուներն են հարձակվողներ Էնդրիկը և Գոնսալո Տորրեսը։ Այս մասին հաղորդում է AS պարբերականը։
Աղբյուրի տեղեկություններով՝ «սերուցքայինների» ղեկավարությունը երկու ֆուտբոլիստների մեջ էլ ապագա է տեսնում, սակայն նաև հասկանում է, որ նրանք ցանկանալու են ունենալ ակտիվ խաղային ժամանակ։ Էնդրիկի շրջապատն արդեն հայտնել է իսպանական գրանդի ղեկավարությանը, որ բրազիլացին մտադիր չէ հեռանալ նույնիսկ վարձավճարով։
Տորրեսն էլ չի ցանկանում լքել «Ռեալը», չնայած անգլիական ակումբների հետաքրքրությանը։ Հաղորդում է, որ 21-ամյա հարձակվողը տպավորել է «Ռեալի» գլխավոր մարզիչ Խաբի Ալոնսոյին ակումբային աշխարհի առաջնությունում, որտեղ նա վեց խաղում խփել է չորս գոլ։
Անցած մրցաշրջանում Էնդրիկը բոլոր մրցաշարերում մասնակցել է 37 հանդիպման՝ գրանցելով 7 գոլ և 1 գոլային փոխանցում։
