Էրդողանը՝ ռուս-ադրբեջանական լարվածության մասին․ «Մեր առաջնահերթությունն է խուսափել անսպասելի լարումներից»
Թուրքիայի նախագահը Ռուսաստանի և Ադրբեջանի միջև լարվածության վերաբերյալ հարցին պատասխանելիս ընդգծել է, որ Թուրքիան սերտ դիվանագիտական և ռազմավարական հարաբերություններ ունի թե՛ Ադրբեջանի, թե՛ Ռուսաստանի հետ։
Էրդողանը նշել է, որ իրենք ուշադիր հետևում են լարվածությանը և երկու երկրին էլ զսպվածության/չափավորության կոչ են անում։ Էրդողանն ընդգծել է, որ հավատում է՝ լարվածությունը մեղմող դիվանագիտական հայտարարություններով հնարավոր է հարցին ավելի հեշտ և ողջամիտ լուծում տալ։
«Մեր ամենամեծ ցանկությունն այն է, որ տեղի ունեցած դժբախտ իրադարձություններն անդառնալի վնաս չպատճառեն Ռուսաստանի և Ադրբեջանի հարաբերություններին։ Հնարավոր է տեղային նշանակության այս իրադարձությունները և դրանց հետևանքները լուծել առանց դուրս բերելու իրենց համատեքստից/շրջանակից։ Հարցին պետք է մոտենալ առանց սթափությունը կորցնելու։
Գիտենք, որ մեր երկու բարեկամներն էլ ունեն այս խնդիրը հաղթահարելու գիտակցություն։ Մենք շարունակելու ենք աջակցել հարցի լուծմանն ուղղված կառուցողական քայլերին։ Մեր առաջնահերթությունն է խուսափել անսպասելի լարումներից, որոնք կարող են խաթարել դժվարությամբ ձեռք բերված կայունությունը մի տարածաշրջանում, որը շատ պատերազմների և բախումների թատերաբեմ է եղել։ Կովկասին նոր հակամարտություն տանելու համբերություն չի մնացել»։
Թուրքիայի նախագահը նշել է, որ հավատում են՝ խնդիրը կարելի է լուծել դիվանագիտական գործընթացներով։ Նա նշել է, որ Ադրբեջանի նախագահ Իլհամ Ալիևի հետ ունեցած հանդիպման ժամանակ այս հարցը քննարկվել է,
