Մայիսին Վրաստանում տնտեսությունն աճել է
Վրաստանի տնտեսությունը մայիսին աճել է, հայտնել է Ազգային վիճակագրական ծառայությունը (Geostat)։ Այս մասին գրում է aliq.ge-ն։
Մասնավորապես, Geostat-ի նախնական գնահատականներով, 2025 թվականի մայիսին, նախորդ տարվա համապատասխան ժամանակահատվածի համեմատ, իրական համախառն ներքին արդյունքի (ՀՆԱ) աճը կազմել է 7.5 տոկոս։
Geostat-ի տվյալների համաձայն, 2025 թվականի մայիսին, նախորդ տարվա համապատասխան ժամանակահատվածի համեմատ, աճի առումով զգալի ներդրում են ունեցել հետևյալ ոլորտները՝ տեղեկատվություն և կապ, արտադրություն, առևտուր, տրանսպորտ և պահեստավորում, շինարարություն։ Էներգետիկայի ոլորտում նկատվել է անկման միտում։
