Իսրայելը Լիբանանում նոր հարվածներ է հասցրել «Հըզբոլլահ»-ին
Իսրայելի ռազմաօդային ուժերը նոր հարձակում են իրականացրել լիբանանյան տարածքի վրա՝ թիրախավորելով «Հըզբոլլահ»-ին։ Այս մասին հայտնել է Իսրայել բանակի մամուլի ծառայությունը։
«Որոշ ժամանակ առաջ Իսրայելի ռազմաօդային ուժերի ինքնաթիռը հարձակվել է «Հըզբոլլահի» երկու ահաբեկիչների վրա, որոնք մեքենա էին վարում Լիբանանի հարավում գտնվող Զիբկին շրջանում: Ահաբեկիչները հարձակման են ենթարկվել «Հըզբոլլահի» ահաբեկչական ենթակառուցվածքը վերականգնելու փորձի ժամանակ։ Այս հաղորդագրությունից քիչ առաջ իսրայելա-լիբանանյան սահմանին օդային հարձակման տագնապ է հայտարարվել, իսկ սահմանամերձ Ավիվիմ և Իրոն գյուղերում հնչել են ազդանշաններ», – ասվում է հայտարարության մեջ:
