Լիբանանում հայտարարել են, որ 163 բուժաշխատող է զոհվել Իսրայելի հարձակումների հետևանքով
2023 թ. հոկտեմբերին Իսրայելի և լիբանանյան «Հեզբոլլահ»-ի միջև ռազմական էսկալացման սկզբից ի վեր իսրայելական գնդակոծությունների զոհ է դարձել 163 բուժաշխատող, 272-ը վիրավորվել է, հայտնել է Լիբանանի առողջապահության նախարարի պաշտոնակատար Ֆիրաս Աբյադը։
«Մենք արձանագրել ենք Իսրայելի զինված ուժերի հարվածների 55 դեպք պետական հիվանդանոցներին և մասնավոր կլինիկաներին, որոնցից 8-ն ամբողջությամբ ավերվել են և դադարեցրել աշխատանքը, 36-ին նյութական վնաս է պատճառվել», – ասել է առողջապահության նախարարի պաշտոնակատարը Բեյրութում կայացած մամուլի ասուլիսում։ Աբյադի պնդմամբ՝ իսրայելական հարձակումները բժշկական հաստատությունների վրա կրում են կանխամտածված բնույթ:
«Դրանց նպատակն է խնդիրներ ստեղծել Լիբանանի իշխանությունների համար, խուճապ և քաոս առաջացնել, – ընդգծել է նա:
– Ուստի մենք կոչով դիմում ենք ՄԱԿ-ին՝ ապահովելու Լիբանանի բժշկական հիմնակությունների պաշտպանությունն ագրեսիայից»:
Իսրայելը սեպտեմբերի 23-ից ավիահարվածներ է հասցնում Լիբանանում «Հեզբոլլահ»-ի օբյեկտներին, իսկ հոկտեմբերի 1-ից ցամաքային գործողություն է սկսել խմբավորման դեմ, որի հետևանքով շուրջ 2000 մարդ է զոհվել, հարյուր հազարավոր մարդիկ տեղահանվել են։ Իր հերթին «Հեզբոլլահ»-ն ամենօրյա ռեժիմով հրթիռակոծում է Իսրայելի հյուսիսը։
