Սևանա լճից դուրս են բերվել ապօրինի տեղադրված խեցգետնաորսիչներ և ձկնորսական ցանցեր

Սևան համայնքին հարող լճափնյա տարածքներից դուրս է բերվել ապօրինի տեղադրված 41 հատ խեցգետնաորսիչ և 14 հատ ձկնորսական ցանց:

Այս հայտնում են Շրջակա միջավայրի նախարարությունից: Հայտնաբերված խեցգետնաորսիչները և ձկնորսական ցանցերը տեղափոխվել են հատուկ պահպանվող տարածք, խեցգետինները բաց են թողնվել լիճ:

Նշվում է, որ իրականացվող կանխարգելիչ-ստուգիչ միջոցառումները կրում են շարունակական բնույթ: