Կիտրոնով ու բեկոնով լցոնած հավ
Բաղադրիչները՝
- 1 հատ հավ
- 2 հատ կիտրոն
- 100 գ բեկոն
- 150 գ կարագ
- 1 փունջ համեմ
- 10 հատ կարտոֆիլ
- 4 պճեղ սխտոր
- 3 ճ/գ ձիթապտղի ձեթ
- 2 ճ/գ սամիթի կտրտած տերևներ
- աղացած սև պղպեղ
- աղ
Պատրաստման եղանակը
Բեկոնը քառակուսիների ձևով կտրատեք, խառնեք կարագի ու մանր կտրտած համեմի հետ:
Կիտրոնները խոշոր կտորներով կտրատեք:
Հավը չորացրեք, վրան աղ ու պղպեղ քսեք, մեջքի վրա պառկեցրեք: Կրծքի կաշին առանձնացրեք, որպեսզի գրպանիկ ստացվի, բդիկների վրա երեք կտրվածք արեք: Գրպանիկն ու կտրվածքները լցոնեք բեկոնի զանգվածով: Հավի փորի մեջ տեղադրեք կտրտած կիտրոնը: Հավը տեղադրեք կարագ քսած տապակի մեջ:
Կարտոֆիլն առանց կեղևը հեռացնելու լվացեք, օղակաձև կտրատեք, աղ արեք, ավելացրեք մանր կտրատած սխտորը, խառնեք:
Կարտոֆիլը շարեք հավի շուրջբոլորը, տեղադրեք ջեռոցում մինչև պատրաստ լինելը:
Պատրաստի հավը մասնատեք, մատուցեք կարտոֆիլի հետ՝ վրան սամիթի տերևներ լցնելով:
