ԱԺ աշխատակազմից Արծվիկ Մինասյանի հետ են խոսում, եթե որևէ բան է տեղի ունեցել՝ բոլորդ կիմանաք. Քրիստինե Վարդանյանը՝ ԱԺ-ում տեղի ունեցած միջադեպի մասին
Իշխանական մի քանի պատգամավորներ այսօր առավոտյան հայտարարեցին, թե «Հայաստան» խմբակցության պատգամավոր Լևոն Քոչարյանի օգնականն այսօր ԱԺ-ում ապտակել է Civik.am-ի լրագրողին, ով տեսանյութ էր հրապարակել Տավուշի թեմի առաջնորդ Բագրատ Սրբազանի մասին՝ նրան անվանելով «ռուսական ԿԳԲ-ի ագենտ, ով ՌԴ-ից փող է ստացել Հայաստանում պատերազմ հրահրելու համար»։
ԱԺ-ում լրագրողների հետ կարճ զրույցում «Հայաստան» խմբակցության պատգամավոր Քրիստինե Վարդանյանն ասաց, թե տարածվող լուրերից տեղեկություն չունի, ավելին՝ Լևոն Քոչարյանն էլ այս պահին ԱԺ-ում չէ։
«Անկեղծ, ես թեմայից տեղյակ չեմ։ ԱԺ աշխատակազմից Արծվիկ Մինասյանի հետ են խոսում, եթե որևէ բան տեղի է ունեցել, դրա մասին բոլորդ կիմանաք։ Հեռախոսս վերցնեմ, կարդամ հրապարակումները, հասկանամ, թե ինչ է տեղի ունեցել»,- նշեց Քրիստինե Վարդանյանը։
