«Ես չէի խաղա «Բարսայում», նույնիսկ եթե այն լիներ աշխարհի միակ թիմը». «Ռեալի» ֆուտբոլիստուհի
Ֆուտբոլիստ Աթենեա դել Կաստիլյոն բացատրել է, թե իր համար ինչ է նշանակում խաղալ Մադրիդի «Ռեալում»:
«Ես հավատում եմ, որ աշխարհի լավագույն ակումբում եմ։ Ինձ համար «Ռեալում» լինելը երազանք է, ես մանկուց նրանց երկրպագել եմ։ Ես երբեք չէի խաղա «Բարսայում», նույնիսկ եթե աշխարհում մնար միայն այս ակումբը, քանի որ իմ երազանքը «Ռեալում» խաղալն է։ Հուսով եմ՝ կարող եմ այստեղ անցկացնել իմ ողջ կարիերան։
Կարծում եմ՝ մենք ներկայացնում ենք աշխարհի լավագույն ակումբը, որն արժանի է հաղթանակի։ Մենք ներկայացնում ենք խորհրդանիշ, որը պետք է կրել ամբողջ աշխարհում և ցանկանում ենք հաղթել, բայց մենք գոյություն ունենք ընդամենը կարճ ժամանակ՝ ընդամենը չորս տարի»,- ասել է ֆուտբոլիստը EFE-ին տված հարցազրույցում:
