Ֆուտբոլի երիտասարդական ընտրանին առանց հաղթանակի է ավարտում Եվրոպայի առաջնության ընտրական փուլը
Հայաստանի ֆուտբոլի երիտասարդական ընտրանին ՈւԵՖԱ Եվրոպայի 2025 թվականի առաջնության որակավորման փուլի վերջին խաղում հյուրընկալեց Ռումինիային:
Արմավիր քաղաքի Հակոբ Տոնոյանի անվան մարզադաշտում կայացած խաղի մեկնարկում ռումինացիներն առավել շատ էին տիրում գնդակին: Հայաստանի հավաքականը պաշտպանական գործողություններից զատ, երբեմն հակագրոհում էր: Առաջին կեսում թիմերին չհաջողվեց իրացնել իրենց պահերը: Երկրորդ կեսում ևս Ռումինիան տիրում էր նախաձեռնությանը, վտանգավոր գրոհներ կազմակերպում, իսկ Արմեն Գյուլբուդաղյանցի թիմը պաշտպանվում և հակագրոհում էր: Ռումինիայի ընտրանուն հաջողվեց հաղթանակ կորզել վերջին րոպեներին: Ստանդարտ դիրքի իրացումից հետո` գլխով Հայաստանի ընտրանու դարպասը գրավեց Միահին:
Հայաստան-Ռումինիա` 0:1:
Հայաստանի ֆուտբոլի երիտասարդական հավաքականը ընտրական այս փուլում ոչ մի հաղթանակ չտարավ, 6 խաղում պարտություն կրեց և երկուսն ավարտեց ոչ-ոքի: 8 խաղերում սեփական դարպասն ընդունեց 17 գնդակ և մրցակիցների դարպասն ուղարկեց միայն 1 գնդակ: Թիմը մրցաշարային աղյուսակում վերջինն է:
