Կիտրոնի սուֆլե՝ ջեռոցի մեջ

Բաղադրիչները՝

• 150 մլ կաթ
• 50 գ կարագ
• 3 հատ ձու
• 80 գ շաքարավազ
• 40 գ ալյուր
• 1-2 հատ կիտրոն
• մի քանի տերև անանուխ՝ զարդարելու համար

Պատրաստման եղանակը

Կարագը հալեցրեք:

Մանր քերիչի օգնությամբ կիտրոնի վրայից քերեք կեղևը: Կիտրոնները կիսեք, կորիզները հեռացրեք, դրանցից 60 մլ հյութ քամեք:

Խորը պնակի մեջ լցրեք կիտրոնի հյութն ու քերած կեղևը, հալեցրած կարագն ու շաքարավազի կեսը: Խառնեք:

Ավելացրեք մաղած ալյուրը, կրկին խառնեք: Ջեռոցը տաքացրեք մինչև 180 աստիճան ցելսիուս:

Ձվի դեղնուցները սպիտակուցներից առանձնացրեք:

Դեղնուցները խառնեք կաթին ու հարիչով խառնեք:

Դեղնուցի ու կաթի խառնուրդը խառնեք կիտրոնի խառնուրդի հետ: Լավ խառնեք:

Ձվի սպիտակուցները միքսերով հարեք մինչև փրփրելը՝ 3-4 րոպե: Ավելացրեք մնացած շաքարավազն ու էլի 3-4 րոպե հարեք:

1 ճաշի գդալ հարած սպիտակուց ավելացրեք խմորին, հարիչով խառնեք:

Մնացած սպիտակուցն էլ նույն ձևով ավելացրեք խմորին ու խառնեք այնպես, որ օդի պղպղջակներ չպայթեն:

Փոքր ֆորմաները ներսից պատեք կարագով ու տեղադրեք խորը տապակի մեջ:

Ստացված զանգվածը 2/3-ով լցրեք ֆորմաների մեջ: Տապակի մեջ տաք ջուր լցրեք մինչև ֆորմաների կեսը:

Տապակը 15-20 րոպեով տեղադրեք ջեռոցում: Այն պետք է խտանա ու բաց շագանակագույն երանգ ստանա:

Ջեռոցից հանելուց հետո 10-15 րոպե թողեք հովանա:

Մատուցելիս զարդարեք անանուխի տերևով: