Արգենտինայի հավաքականը մոտենում է իր նպատակին. Մեսսի
Արգենտինայի հավաքականի հարձակվող Լիոնել Մեսսին գոհ է Վենեսուելայի նկատմամբ տարած հաղթանակից Աշխարհի առաջնության որակավորման փուլի շրջանակներում: Այս մասին հաղորդում Goal.com կայքը։
Սեփական հարկի տակ Արգենտինան 3:0 հաշվով առավելության հասավ Վենեսուելայի նկատմամբ: Մեսսին դարձավ մեկ գոլի հեղինակ:
«Մենք խաղում էինք մի այնպիսի հավաքականի դեմ, որը պատրաստ էր մեր գործողություններին և սեփական հնարավորությունն էր փնտրում հակագրոհների ժամանակ: Սակայն մենք սառնասրտություն և համբերություն ցուցաբերեցինք՝ ձգտելով խփել մեր առաջին գոլը: Գնալով մենք ավելի ու ավելի ենք մոտենում մեր նպատակին:
Ինչ վերաբերում է իմ թիմակից Գոնսալո Իգուայինին (դարձել է 2 գոլի հեղինակ), նա շատ ուժեղ խաղացող է, և հանդիպումից հանդիպում մենք ավելի լավ ենք հասկանում իրար», – ասել է Մեսսին:
Մարզական լրահոսն ապահովում է SportArmenia.com-ը
