Էկվադորի մայրաքաղաքի կենտրոն է մտցվել ռազմական տեխնիկա
Էկվադորի զինված ուժերը ռազմական տեխնիկա են կուտակել մայրաքաղաք Կիտոյի կենտրոնում՝ անվտանգության ոլորտում ճգնաժամի սրման ֆոնին:
Քաղաքի պատմական հատվածի փողոցներում տեսանելի են զրահամեքենաներ։ Հեռուստաալիքի տվյալներով՝ զինվորականները մայրաքաղաքի ռազմավարական նշանակություն ունեցող վայրերում տեխնիկա տեղակայելու հրահանգ են ստացել։
Ecuavisa-ի տվյալներով՝ ավելի վաղ կողոպուտի դեպքեր են արձանագրվել Կիտոյի կենտրոնում։ Հունվարի 9-ին ավելի վաղ Էկվադորի նախագահ Դանիել Նոբոան ստորագրել է հրամանագիր, որը նշում է երկրում «ներքին զինված բախման» առկայությունը, և կարգադրել է չեզոքացնել 22 հանցավոր խմբավորումները։
Հայտարարությունն արվել է TC Televisión հեռուստաալիքի աշխատակիցների պատանդառությունից հետո, որոնք այդ պահին ստուդիայից ուղիղ եթերով հաղորդում էին վարում Գուայակիլ քաղաքում։ Ոստիկանությունը բերման է ենթարկել 13 մարդու, բոլոր պատանդներն ազատ են արձակվել։
Էկվադորում անվտանգության իրավիճակը սրվել է հունվարի 7-ին բանտից Ֆիտո մականվամբ «Լոս Չոներոս» հանցախմբի պարագլխի փախուստից հետո։ Այնուհետև մի քանի քրեակատարողական հիմնարկներում տեղի են ունեցել խռովություններ։ Հունվարի 8-ին Նոբոան երկրում հայտարարել է արտակարգ դրություն և սահմանել պարետային ժամ:
