36-ամյա հետախուզվողը հայտնաբերվել է Գյումրիում
Ոստիկանության Կումայրիի բաժնի քրեական հետախույզները, օպերատիվ տեղեկություններն իրացնելով, նոյեմբերի 14-ին Գյումրի քաղաքի Տերյան փողոցում հայտնաբերել և բաժին են տեղափոխել 36-ամյա Էդուարդ Մ.-ին: Նա նոյեմբերի 3-ից հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ բացակայելու արգելք:
Էդուարդ Մ.-ն ներկայացվել է Շիրակի մարզային քննչական վարչություն:
