Բժիշկը խոսել է ջուրը ցատկելիս մահացու վնասվածքների մասին
Սուզումը ամառային վնասվածքների հիմնական պատճառներից մեկն է: Այս դեպքում հետեւանքները կարող են շատ տարբեր լինել՝ ողնաշարի կոտրվածքից մինչեւ լյարդի ու փայծաղի պատռվածք։ Ըստ shantnews-ի՝ «Իզվեստիային» այս մասին ասել է բժշկական գիտությունների թեկնածու, «Հեմոտեստ» լաբորատորիայի բժիշկ-փորձագետ Եկատերինա Դեմյանովսկայան։
Նրա խոսքով, ամենից հաճախ ջրասուզակները, ովքեր ձկան տեսքով ցատկում են ջուրը, վնասում են ողնաշարը հատակին սուր հարվածի, պարանոցի ճկման կամ հիպերարտեզիայի պատճառով։ Նման վնասվածքը կարող է ուղեկցվել ուղեղի ցնցումով կամ կոնտուզիայով, երբեմն՝ գանգի ոսկորների կոտրվածքով։
«Շատ դեպքերում ողնաշարի կոտրվածքն ուղեկցվում է ողնուղեղի վնասվածքով, արյունահոսությամբ կամ արյան շրջանառության խանգարումներով։ Սա շատ վտանգավոր իրավիճակ է. այն կարող է հանգեցնել բոլոր կամ միայն ստորին վերջույթների ամբողջական կաթվածի (կախված վնասվածքի մակարդակից), կոնքի օրգանների դիսֆունկցիայի և երբեմն նույնիսկ մարդու մահվան », – ասել է Դեմյանովսկայան:
Բժիշկը նշել է,որ 12-15 տարեկան դեռահասների մոտ հաճախ հանդիպում են ողնաշարի պարանոցային հատվածի կոտրվածքներ. նրանք հաճախ չեն մտածում անվտանգության մասին։
Նաև, ըստ նրա, սուզվելիս և հատակին հարվածելիս կարող է առաջանալ ողերի տեղահանում։ Այս դեպքում երկու հարակից ողերի հոդերը տեղաշարժվում են միմյանց նկատմամբ: Նման վնասվածքն ավելի բարենպաստ է համարվում, բայց, այնուամենայնիվ, երկար վերականգնում է պահանջում։
Բացի դրանից, ինչպես բժիշկն է ասել, եթե դուք հարթ ընկնեք ջրի մեջ, կարող եք վնասել ներքին օրգանները՝ օրինակ՝ ստանալ լյարդի, փայծաղի պատռվածք։ Միաժամանակ, ուժեղ հարվածից, որը կարելի է համեմատել բետոնե հատակին ընկնելու հետ, մարդը կարող է կորցնել գիտակցությունը և խեղդվել։
«Արտաքին միջավայրի և ներքին ականջի խոռոչի միջև ճնշման կտրուկ անկման դեպքում կարող է զարգանալ բարոտրավմա: Կախված տեղակայումից՝ այն կարող է ուղեկցվել ականջի թմբկաթաղանթի պատռվածքով, ենթամաշկային հեմատոմաներով, ատամների լցոնումների քայքայմամբ»,- հավելել է նա։
Նրա խոսքով, բարոտրավմայի դեպքում մարդը կարող է զգալ գլխապտույտ, սրտխառնոց, համակարգման խանգարում և լսողության կորուստ: Եթե օգնությունը ժամանակին չտրամադրվի, առաջանում է գիտակցության կորստի, արդյունքում՝ խեղդվելու վտանգ։
