Թրամփը կլինի Գազայի հատվածում հրադադարի պահպանման գլխավոր դիտորդը․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախագահ Դոնալդ Թրամփը կլինի Գազայի հատվածում հրադադարի գլխավոր դիտորդը։
«Մենք հույս ունենք, որ այս պահին Գազայում մարտական գործողությունները դադարեցվել են։ Պարոն Թրամփի հայտարարությունն այդ առնչությամբ չափազանց կարևոր է։ Թրամփը լինելու է գլխավոր դիտորդն այս հարցում։ Նա անձամբ է հայտարարել այդ մասին՝ մեր հետ հանդիպումների ժամանակ։ Իսկ երբ մենք ոտքի վրա էինք շփվում, նա առաջարկեց պահպանել հեռախոսային կապերը և չարհամարհել հեռախոսային դիվանագիտությունը։ Մենք կշարունակենք մեր բանակցությունները բոլոր մակարդակներով։ Այս դիվանագիտությունը, որը մենք հաստատել ենք պարոն Թրամփի հետ, չափազանց կարևոր է։ Մենք հույս ունենք շարունակել այն և կանենք ամեն անհրաժեշտը խաղաղության մթնոլորտ հաստատելու համար։ Եգիպտոսում հավաքված բոլոր երկրները կդառնան այդ խաղաղության մթնոլորտի երաշխավորները», – հայտարարել է Էրդողանը իր լրագրողական թերթիկի ներկայացուցիչներին՝ Եգիպտոսից վերադառնալուց հետո։
