Երգչուհին խաղաղություն է քարոզում
Հայկական շոու-բիզնեսի ներկայացուցիչներն ակտիվ աշխատում են: Դեռ տարեսկզբից հանդիսատեսը հնարավորություն է ունենում անընդհատ նոր կատարումներ լսելու: Երգչուհի Վելիզը ևս պատրաստվում է նոր տեսահոլովակի պրեմիերայի: «Երկու նոր երգ է պատրաստվում: Շուտով հանդիսատեսի դատին կներկայացնենք նոր տեսահոլովակ. այն այժմ գտնվում է մոնտաժման փուլում: Մոտավորապես 10 օրից կլինի նաև տեսահոլովակի պրեմիերան: Երգը կոչվում է «Peace»: Այն խաղաղության մասին է: Երգի միջոցով ցանկացել ենք ցույց տալ, որ անկախ ազգությունից, ազգային պատկանելությունից, բոլորս ընկերներ ենք և կարող ենք համախմբվել մի գաղափարի շուրջ»,-168.am-ի հետ զրույցում ասաց երգչուհի Վելիզի պրոդյուսեր Վարդգես Մանուկյանը: Վերջինիս խոսքով՝ տեսահոլովակը ստանդարտ չէ. թե՛ որակի, թե՛ իմաստի առումով այն նման չէ մնացած տեսահոլովակներին: «Տեսահոլովակում աշխատել ենք պահել թե՛ բարձր որակը, թե՛ գեղարվեստական մասը: Նշեմ նաև, որ այս տեսահոլովակի միջոցով Վելիզն իր հանդիսատեսին անակնկալ է ցանկանում մատուցել»,- ասաց Վ. Մանուկյանը:
