ԱԺ պատգամավորներ Հայկ Մամիջանյանն ու Տիգրան Աբրահամյանը տեսակցել են քաղբանտարկյալ երիտասարդներին
![](https://168.am/wp-content/uploads/2022/05/Mamijanyan-Tigran-Abrahamyan-1.jpg)
Այսօր Ազգային ժողովի (ԱԺ) ընդդիմադիր «Պատիվ ունեմ» խմբակցության պատգամավորներ Հայկ Մամիջանյանն ու Տիգրան Աբրահամյանն այցելել են, համապատասխանաբար, ՀՀ ԱՆ «Արթիկ» և «Նուբարաշեն» քրեակատարողական հիմնարկներ, տեսակցել քաղբանտարկյալներին:
168.am-ի հետ զրույցում Հայկ Մամիջանյանն ասաց, որ Տիգրան Աբրահամյանը եղել է «Նուբարաշեն» ՔԿՀ-ում, տեսակցել Գոռ Մաթևոսյանին ու Դավիթ Ավագյանին, իսկ ինքն «Արթիկ» ՔԿՀ-ում հանդիպել է Տարոն Մանուկյանին, Գոռ Սարգսյանին, Գևորգ Մուրադյանին ու Արսեն Մարտոյանին:
Պատգամավորը հավաստիացրեց` տղաների կամքն անկոտրում է, նրանք աննահանջ են իրենց պայքարի մեջ։
Առողջական վիճակի մասին մեր հարցին էլ պատասխանեց` առողջական խնդիրներ չունեն։