Բերման են ենթարկվել վարորդն ու երեք ուղևորները՝ բոլորն էլ նախկինում դատված
Արթիկի քրեական հետախույզները օպերատիվ տվյալներն իրացրին օգոստոսի 2-ին: Արթիկ քաղաքում նրանք կանգնեցրին «ԲՄՎ» մակնիշի մի մեքենա ու, թմրանյութ պահելու և օգտագործելու կասկածանքով, բաժին բերման ենթարկեցին 27-ամյա վարորդին ու երեք ուղևորի՝ բոլորն էլ նախկինում դատված:
Նրանց անձնական խուզարկությամբ ոչինչ չհայտնաբերվեց, իսկ մեքենայի զննության ընթացքում վարորդը ներկայացրեց կանեփի սերմեր, 9 սմ երկարությամբ շեղբով ծալովի դանակ, փայտե մահակ և կանեփի թփեր:
Նշանակվել է դատաքիմիական փորձաքննություն: Հանգամանքները պարզվում են:
