«Սա հիշեք այն պարզ ընտրությանը, որ անելու եք կիրակի օրը»․ Վարուժան Գեղամյան
Վարուժան Գեղամյանը ֆեյսբուքյան իր էջում տարածել է այս լուսանկարը՝ գրելով․ «Կապիտուլյանտի պատճառով թուրքին նվիրված հայկական Շուշին երեկվանից նախապատրաստում են Թուրքիայի նախագահ Էրդողանի այցին, որ տեղի է ունենալու հունիսի 15-16-ին։
Շուշի մուտքի մոտ՝ Քարինտակ մտնող ճանապարհային հանգույցի վրա կառուցվել է մի շինություն (տե՛ս ետին պլանում), որը, հավանաբար, կլինի պաշտոնական ասուլիսի վայրը։
Այս նկարը երեկ հրապարակել է Ադրբեջանում Թուրքիայի դեսպան Ջահիթ Բաղջըն։
Հայոց բերդաքաղաքի նվաճումը թուրքական աշխարհի կողմից երկու օրից կնշվի ողջ պերճանքով, իսկ այդ հարցում գլխավոր մեղավորը ձեզ խոստանում է «ապագա»։
Սա հիշեք այն պարզ ընտրությանը, որ անելու եք կիրակի օրը»։
