Կումանը կմնա «Բարսելոնայում» ևս մեկ տարի
«Բարսելոնայի» նախագահ Ժոան Լապորտան վստահում է թիմի գլխավոր մարզիչ Ռոնալդ Կումանին և չի փնտրում թեկնածուներ այս պաշտոնի համար, գրում է Mundo Deportivo-ն՝ վկայակոչելով Լապորտայի շրջապատին:
Հրապարակումը հերքում է Ջուլիան Նագելսմանին հրավիրելու մասին տեղեկատվությունը: Լապորտան հույսը դնում է Կումանի վրա: Նախատեսվում է, որ հաջորդ մրցաշրջանում 57-ամյա մասնագետը կաշխատի թիմի հետ:
Լապորտան սիրում է, թե ինչպես է Կումանը վերակառուցում թիմը և վստահում երիտասարդ խաղացողներին: Նաև նրա հետ հարձակվող Լիոնել Մեսսին կրկին սկսեց ցուցադրել իր լավագույն ֆուտբոլը: Լապորտան գոհ է այն բնավորությունից, որը թիմը ձեռք է բերել Կումանի օրոք:
Կատալոնիայի նոր նախագահը կարծում է, որ այս մրցաշրջանում թիմը կարող է նվաճել Լա Լիգան և Իսպանիայի գավաթը: Այնուամենայնիվ, կա հավանականություն, որ Կումանի պաշտոնը կարող է փոխվել, եթե «Բարսան» չկարողանա հասնել այդ նպատակներին:
«Բարսելոնան» այս պահին երկրորդն է Լա Լիգայում ՝ 6 միավորով զիջելով առաջատար «Ատլետիկոյին»:
Սիրարփի Աղաբաբյան
