Անկախ փորձագետները բարձ են գնահատել AstraZeneca-ի կողմից մշակվող COVID-19 պատվաստանյութը
COVID-19 պատվաստանյութը, որը մշակվել է Օքսֆորդի և AstraZeneca-ի գիտնականների կողմից, հստակ հետևում է ծրագրավորված գենետիկ ցուցումներին` հաջողությամբ հարուցելով ուժեղ իմունային պատասխան, ասվում է բրիտանացիանկախ գիտնականների վերլուծության մեջ: Այս մասին տեղեկացնում է «Ամերիկայի ձայնը»:
«Պատվաստանյութը կատարում է այն ամենը, ինչ մենք ակնկալում էինք, և սա լավ նորություն է հիվանդության դեմ պայքարում»,- ասել է հետազոտությունը ղեկավարած Բրիստոլի համալսարանի վիրուսաբանության մասնագետ ԴեյվիդՄեթյուզը:
AstraZeneca-ն COVID-19-ի դեմ պատվաստանյութ ստեղծելու մրցավազքում առաջատարներից մեկն է:
Ակնկալվում է, որ աշխարհի մի շարք երկրներում ` ներառյալ Բրազիլիան, Միացյալ Նահանգները և Միացյալ Թագավորությունը, պատվաստանյութի վերջին փուլում գտնվող լայնամասշտաբ կլինիկական փորձարկումների առաջին արդյունքները կհրապարակվեն մինչև տարեվերջ:
Այս պատվաստանյութի մշակման մեխանիզմը կանխում է մարդկանց մոտ դրա ներակման արդյունքում հիվանդանալու հավանականությունը :
Բրիստոլի հետազոտողները կենտրոնացել են այն հանգամանքի վրա, թե որքան հաճախ և որքանով ճշգրիտ է պատվաստանյութը կրկնօրինակում և օգտագործում մշակողների կողմից ծրագրավորված գենետիկ ցուցումները:
«Սա կարևոր ուսումնասիրություն է, քանի որ մենք կարող ենք հաստատել, որ այս պատվաստանյութի հիմքում ընկած գենետիկ ցուցումները ճիշտ են ընթանում, երբ դրանք մտնում են մարդու օրգանիզմ», -նշում է վիրուսաբանության մասնագետ Դեյվիդ Մեթյուզը:
