Դեմոկրատական կուսակցության նախընտրական արշավը կարծես դանդաղկոտ է
Դեմոկրատ Ջո Բայդենն արդեն իսկ դուրս է եկել իր կեցավայրից, որտեղ ստիպված է եղել անցկացնել իր ամբողջ ժամանակը, պայմանավորված Կովիդ19-ի համաճարակի ռիսկային խմբում գտնվելու հետ: Ամերիկյան ընտրությունների կարևոր տարրերից է համարվում ընտրողների հետ ուղիղ հանդիպումներն ու ձեռքսեղմումները: Սա իրականում բավականին բարդ է կազմակերպել համավարակի պարագայում:
Եթե Թրամփը չի խուսափում հանրային միջոցառումներից, ապա Բայդենը փորձում էր ամեն կերպ շրջանցել դրանք: Նման զգուշավորությունը իհարկե լավ է, սակայն այն խաղում է Թրամփի օգտին և ձևավորվում է տպավորություն, որ դեմոկրատների արշավը դանդաղկոտ է և մեկ քայլ հետ է մնացել հանրապետականներից: Իհարկե լիբերալ օնլայն հարթակները կիրառվում են ամբողջ ագրեսիվությամբ, սակայն դրանք չեն կարող փոխարինել ընտրողների հետ անմիջական շփումները մարզադաշտերում և մեծ դահլիճներում:
Այսօր Բայդենը վերջապես կայցելի Վիսկոնսին նահանգ, որը կարևորագույն նշանակություն ունի երկու թեկնածուների համար: Օրեր առաջ Թրամփն արդեն իսկ հասցրել էր այցելել Վիսկոնսին և ծանոթանալ մասսայական անկարգությունների արդյունքում ջարդուփշուր եղած Քենոշա քաղաքի իրավիճակին: Միայն այսօր Բայդենն ու Հարիսը կլինեն Վիսկոնսինում, սակայն այնտեղ կլինի նաև փոխնախագահ Փենսը ամբողջացնոլու հանրապետականների նախընտրական արշավը այս կարևոր նահանգում:
Դեմոկրատական կուսակցության նախընտրական արշավը կարծես դանդաղկոտ էԴեմոկրատ Ջո Բայդենն արդեն իսկ դուրս է եկել իր…
Gepostet von Armenian Center for American Studies am Montag, 7. September 2020
