Մասնագիտություն՝ ըստ Աստղացույցի նշանի

Խոյ 21.03-20.04

Առաջնորդ և նորարար, միշտ խիզախորեն առաջ է գնում, սայթաքում, ընկնում ու նորից բարձրանում և քայլում առաջ: Նախաձեռնող է ու անդադրում, գերազանց կազմակերպում է գործը, ունի հետևողական ու համախմբված թիմ:

Եթե ուզում եք առաջ մղել ձեր նոր, անսովոր, հետաքրքիր գործը, այն հանձնարարեք Խոյին: Իսկ ահա ձանձրույթը, միապաղաղությունն ու մոնոտոնությունը «սպանում» է ցանկացած նախաձեռնություն:

Ցուլ 21.04-20.05

Նյութական աշխարհի մարդիկ են: Բոնուսներ, պարգևավճարներ, բարձր աշխատավարձեր. Դրանից շատ ոչինչ չի կարող խթանել Ցուլին:

Ցուլի առավելությունը արդյունքի վրա բարձր կենտրոնացվածությունն է՝ ամրակցված նյութական խթանիչով: Իսկ ահա բազմախնդրայնությունը նրանց ուժեղ կողմը չէ: Նրանք չեն սիրում ու չեն կարողանում մի քանի գործ միանգամից անել:

Երկվորյակներ 21.05-20.06

Ցանկացած կոլեկտիվում, բիզնեսում ընդունված առաջնորդներ են: Բացառապես բազմազբաղ են, կարողանում են անել ամեն ինչ ու միանգամից: Երկվորյակների կողմից ղեկավարվող անգամ ամենաանհեռանկարային նախագիծն արդեն մի քանի ամիս անց կդառնա ամենանեռանկարայինն ու շահութաբերը:

Խեցգետին 21.06-22.07

Աստղացույցի տնակյաց նշաններից է: Այդպիսի բարի ու տնային, ընտանեկան միջավայր, որպիսին Խեցգետինն է ստեղծում կոլեկտիվում, չի կարող ստեղծել Կենդանակերպի և ոչ մի նշան:

Խեցգետնի վաստակը կայուն զարգացող բիզնեսն է: Գործունեության հաջող տարբերակ է տանը մեկուսի աշխատելը:

Առյուծ 23.07-22.08

Ապրում և գործում է ճանաչված դառնալու, հարգանքի ու կարգավիճակի համար: Կհասնի մինչև հաղթական ավարտ, հատկապես, եթե «ճակատամարտն» ընթանա մի խումբ երկրպագուների ներկայությամբ:

Գերազանց կերպով կարողանում են կազմակերպել ամենաչնչին ու ուղեկցող գործունեությունն իրենց շուրջ՝ իրենց լուծմանը թողնելով կարևորագույն որոշումների կայացումն ու վերջին, հաղթական ցատկի իրավունքը:

Կույս 23.08-23.09

Իդեալիստներ են ոչ միայն կյանքում, այլև աշխատանքում: Ամեն ինչ կատարյալ վերահսկողության ներքո է, գործն անում են կատարյալ որակով՝ մանրամասնորեն քննարկելով յուրաքանչյուր դետալ: Սակայն հաճախ ծավալվում են ու չեն հետևում գրաֆիկին:

Կշեռքներ 24.09-23.10

Երբեք չեն անի այն, ինչ իրենց դուր չի գալիս, բայց այն, ինչ կանեն, անում են առանձնահատուկ թրթիռով ու բացառիկ որակով: Կարող են անել այնպիսի բան, ինչը չի կարող անել որևէ այլ անձ:

Կարիճ 24.10-21.11

Արագ բռնկվում է, արագ էլ՝ մարում: Մոնոտոն աշխատանքը, միապաղաղ գործունեությունը նրա համար չէ: Իրեն հարմարավետ է զգում զույգի մեջ, երբ գործընկեր ունի, համախոհ, օգնական: Սակայն նա միշտ գլխավորն է ու հարգանք է պահանջում իր հանդեպ:

Աղեղնավոր 22.11-21.12

Ունեն բացառիկ աշխատունակություն ու արդյունավետություն միայն բացարձակ ազատության դեպքում: Գործողությունների ազատություն ունենալու դեպքում հասնում են զարմանալի արդյունքների: Անհատականություն են ու ստեղծարար:

Այծեղջյուր 22.12-20.01

Ամբողջովին մխրճվում է գործի, բիզնեսի, որևէ նախագծի մեջ և նույնն էլ պահանջում  նրանցից, ովքեր իրենց կողքին են: Այծեղջյուրի տարերքն ամենաբարդ, աշխատատար ու լուրջ աշխատանքն է: Հաճախ խթանը նույնիսկ փողը չէ, այլ կարիերային աճը:

Ջրհոս 21.01-18.02

Կրեատիվ են ու փոքր-ինչ խելառ: Չճանաչված հանճարներ են: Սակայն հենց նրա խելառ գաղափարներն են իրականում ամենաաշխատողը, եթե, իհարկե, ինչ-որ մեկի խելքին փչի դրանք կյանքի կոչել: Գերադասում է աշխատանքի ազատ գրաֆիկն ու մինչև կեսօր քնելը:

Ձկներ 19.02-20.03

Շատ հաջողակ մարդիկ են ֆինանսական և փողային հարցերում, հատկապես նրանք, ովքեր զբաղվում են իրենց սեփական բիզնեսով: Ինտուիտիվ ու ճկուն են իրենց արարքների ու որոշումների մեջ, բայց շատ ընկալունակ են քննադատության նկատմամբ: Նրանց պետք է հարմարավետություն, գովեստ ու զգայական աջակցություն:

Պատրաստեց 168.am–ը