«Դոմոդեդովո» օդանավակայանում այս պահին գտնվում է 135 ՀՀ քաղաքացի․ չվերթ դեռ նախատեսված չի
Ռուսաստանի Դաշնությունում Հայաստանի դեսպան Վարդան Տողանյանը հերթական անգամ տեսակապի միջոցով շփվել է «Դոմոդեդովո» օդանավակայանում գտնվող ՀՀ քաղաքացիների հետ։ Այս մասին տեղեկացնում է ՌԴ-ում ՀՀ դեսպանատունը։
«Քաղաքացիները հրաժարվել են հետևել մեր բազմաթիվ հորդորներին և ընդունել հյուրատներ տեղափոխվելու առաջարկը՝ նախընտրելով մնալ օդանավակայանում։ Քաղաքացիները հրաժարվել են նաև դեսպանության կողմից տրամադրվող սննդից։ Օդանավակայանում այս պահին գտնվում է 135 ՀՀ քաղաքացի»,- նշված է հաղորդագրության մեջ։
ՀՀ դեսպանությունը նշում է, որ առաջիկայում չվերթ դեպի Հայաստան չի նախատեսվում և հնարավոր չվերթի մասին տեղեկատվություն ստանալուն պես կհայտնեն լրացուցիչ։
