Չարենցավանում կորոնավիրուսով վարակվածության դեպք է գրանցվել. Նիկոլ Փաշինյան
Չարենցավանում կորոնավիրուսով վարակվածության դեպք է գրանցվել: Այս մասին ԱԺ-ում հատուկ նիստի ժամանակ հայտնեց ՀՀ վարչապետ Նիկոլ Փաշինյանը:
«Սկսեմ վատ լուրերից` այսօր 15 նոր դեպք ենք ունեցել, 5-ը Էջմիածին եւ վստահ չեմ, ոնց որ Չարենցավանում էլ նոր դեպք ունենք եւ սա ցույց է տալիս, որ արտակարգ դրությունը ադեկվատ որոշում է»,- ասաց նա` նշելով, որ կարգելվի 20 հոգուց ավելի հավաքների անցկացումը:
Նշենք, որ այս պահին Հայաստանում պաշտոնապես հաստատվել է կորոնավիրուսով վարակվածության 45 դեպք:
Այսօր ավելի վաղ Կառավարությունն արտահերթ նիստում որոշում է կայացրել ՀՀ տարածքում արտակարգ դրություն հայտարարել:
Տեսանյութը՝ Factor tv-ի
